قالوا زمان الكورة أجوان
لكن فى مصر الكورة أحزان
منتخبنا مش قادر يوصل حتى الان
لكأس العالم للمونديال
والأسباب كالاتى يا فنان
لتبرير الهزيمة والخسران
يقولوا أصلنا بنلعب على ملعب ترتان
أو عم عبده رش الملعب وخلاه فيضان
أو أستهترنا بالمنافس الغلبان
أو الحكم أصله أفريقى تعبان
قال يعنى المصرى سوبر مان
ضربات جزاء مش فى الحسبان
وأهداف ملغية بالمجان
حتى أسألوا حكمنا حمدى شعبان
ولا بلاش أحنا فى رمضان
شهر التسامح والغفران
والجمهور على طول زعلان
الفرحة بالنسبة له بقت حرمان
والناس بقت تتمتع بالنسيان
للمحيط بيهم من عالم الانس أو الجان
اتحاد الكورة فى التوهان
قرارات تتمتع بالبوظان
والفشل والخذلان
تخبطات فى قضية البث كمان
الدورى المصرى أخر جنان
لو ما تفرجتش عليه تبقى أنت الكسبان
والمدرب أعصابه جالها حرقان
والبصر يا ولداه حصله فقدان
ودماغه هتنفجر من الغليان
أصل ده لاعب كسلان
وده لاعب تعبان
وأخينا لاعب خيبان
والرابع متمرد وغضبان
وفريقه على طول خسران
بمزيد من روح وإصرار الفرسان
هنوصل كأس العالم بإذن المنان